『相葉マナブ』No.8@2013.06.09

一開始cut左廠景的眼鏡look, 直接去到秋葉神社門口搵今日的partner 渡部同澤部

地址: 東京都台東区台東４丁目２１ 秋葉神社



今次要學習日本人係商店街的智慧同手段

日本全國若有1萬5千條商店街

當有大型超市同100日元店的出現, 商店街的商店數目都下降左

但仍然可以繼續為生, aiba相信一定有佢地既理由, 於是就出街去搵答案啦

目的地: 東京都台東区台東３丁目 佐竹商店街

抬頭先發現佐竹商店街係日本全國第2舊的商店街, 厲害呀

雖然如此, 但比起全盛時期, 商店數目已經減左一半了

先去到一個賣菜的地方, 打算問下人, 點知發現係冇店員

係同街坊信任的關係, 間菜店係分左別館同本館既

一路行一路見到好多街坊, 突然見到間店個名係" family snack rocky"

個名充滿住唔協調既野, 可惜個鋪頭未開

然後就發現一間茶葉鋪個名叫"壽園" 好似好難讀, 渡部叫aiba試下讀下

點知又讀啱左, 不知幾開心

入到茶葉鋪問下老闆娘先知開業65年了,  而老闆娘都已經84歲啦

aiba話完全睇唔出, 問佢係咪問得茶多所以咁呢

其中最好賣既當然係茶葉, 而茶壺最近就賣唔到

然後老闆娘就請佢地飲返杯綠茶

嘆呀!!!! 但佢地掛住飲, 竟然忘記左問人地生存的秘訣

唯有去到下一間衫店 - 秋本

創業已經76年啦, 就以商賣係唔會飽和的態度去做

衣服係需要隨著時代而有所改變, 大約係20年前左右就改變過了

呢度除左賣衫仲有好多懷舊野, 先有鯨尺

一吋-38mm 而同平時的曲尺有少少分別

aiba話麻麻屋企都有一把

然後店長秋本先生再拎一個盒仔出來

即使aiba打開左都唔知究竟係乜東東

(手拎起野上來青筋現晒)

原來呢個係一個唱片機, 係播黑膠碟既

澤部問店主咁耐冇播有冇問題, aiba好好咁叫澤部唔好比壓力店長

然後成功播出, 厲害呀, 而個版本同佢地之前聽到的版本有所不同, 係更舊的

除左唱片機, 仲有手動的電筒

太厲害了, 好似尋寶一樣, aiba玩得好開心呀

回頭就見到頭先冇問門的family snack rocky個店主了

原來係一間cafe, rocky就係當年流行的電影

傾左一陣就去左"中屋洋菓子店"

我對呢間勁有興趣, 因為佢地有自己原創的kasutera蛋糕

創業超過100年了, 曾經都賣過其他蛋糕

但最後都係堅持住賣自己原創的長崎kasutera蛋糕

長崎蛋糕即係清蛋糕咁, 得蛋, 面粉, 糖而造成

見到佢地食就肚餓, 好鬆軟的感覺呀

(天氣都應該好熱啦, aiba完全地流晒汗)

澤部話可唔可以再去飲多次杯, 果然呢食蛋糕飲埋茶真係最高的享受

食完蛋糕就去左隔離間鋪位, 連門把都係好舊式

入到去發現有35年前好流行的遊戲機,

aiba睇住渡部玩個樣真係呢正~

跟住就去左日常用品店 - 池田屋啦,

而加又有超市又有100日元店但呢間鋪都可以為持, 仲要創業又已經100年了

原因主要係service啦, 佢地會好快送到貨

而加產品的種類好多

好似aiba發現左隻鐵蛋, 以前會用鐵壺煲水就可以加鐵,

但漸漸冇用的時候, 就出現左呢隻鐵蛋, 可以煲水的時候加入個煲度就會放鐵了

真係比較少見

仲有唔同size的茶壺柄, 假如爛左都可以配返一個, 仲有好多唔同品種呢

再來就係川島棉被店

創業125年, 相信係附近店中最古老一間了, 即使係關東大地震同東京大空襲都奇蹟地冇事

而且可以為持咁耐, 主要都係同顧客可以有一個長久的關係

然後aiba發現老闆娘身後的櫃, 想打開來睇

其實係夾萬咁, 裝左好多唔同野, 仲有n年前的賣買紀錄

唔講唔知仲有個地庫, 入面就真係好似尋寶咁了

單單一堆好舊的雜誌都價值20萬日元, 真係大開眼界

完全係博物館的層次

尋完寶又見到另一間賣苶葉的地方 - 宇治屋

不過aiba最在意的係呢度有魚的定食

經過店, 後面原來有個位可以提供定食

一人叫左一個, 望上去又豐富又好味, 好日式feel!!! 我鐘意呀~

aiba都讚老闆娘煮得好味, 老闆應該好開心啦? 老闆仲話所以唔會出街食

但搞笑地老闆娘話其實佢想出去食

食飽飽啦, 就見到一個整襟章的地方, 可以自己做設計

於是aiba就代表『相葉マナブ』設計一個了

被問到畫畫係咪好叻, aiba完全地自信地話好叻

就埋頭繼續畫了

最後展示製成品

超可愛, 作品主題係: 日本象徵富士山戴眼鏡

我都好想要返一個呀!! 勁可愛~~~

不過襟章就整唔到了, 自己就拎左屋企隻富士山仔來玩

跟住呢個idea同佢改變造型先發現佢可以更加靚仔

哈哈, 下回學習日本的錢!!!